Edhe njëherë kryedemokrati Lulzim Basha tha se mbështet protestat e studentëve, por nuk shkon atje pasi Edi Rama do e përdor në favorin e tij. Pas mbledhjes së grupit parlamentar, Basha ka thënë: Sot është protesta e studentëve, ne e mbështesim me të gjitha format dhe mënyrat, jemi atje, njerëzit tanë i mbështesin me të gjitha format dhe mënyrat. Jam i vetëdijshëm, kundërshtari po mundohet ta instrumentalizojë. Ata kanë një kërkesë të thjeshtë për plotësimin e tetë kërkesave”.
Sipas tij, PD është kundër ligjit për arsimin e lartë. “Ne nuk e çuam ligjin në Kushtetuese, pasi gjykata ishte e kapur nga Rama. Rama po përdor propagandën për përçarje”, tha Basha.
I pyetur nëse PD do të rikthehet në Kuvend ditën e enjten në seancë plenare, Basha sqaroi se: “Pasi të kemi marrë një vendim me aleatët, do t’u themi kur do të rikthehemi në parlament”.